«Astana Piano Passion» aıasynda S.Rahmanınov týyndylarynan kontsert ótedi
ASTANA. QazAqparat - «Astana Opera» opera jáne balet teatrynyń sahnasynda M.Ravel men S.Rahmanınovtyń shyǵarmalaryn RF Prezıdenti janyndaǵy mádenıet jáne óner jónindegi keńes múshesi, pıanınoshy Ekaterına Mechetına oryndamaq.
Bul «Astana Piano Passion» klassıkalyq mýzyka festıvali aıasynda ótetin eń este qalarlyq kontsertterdiń biri bolmaq. Onyń baǵdarlamasynda Morıs Raveldiń «Sonatına fa-dıez mınor» jáne «Sıýıta dlıa fortepıano «Otrajenııa» shyǵarmasy men Sergeı Rahmanınovtyń «№ 2 sonata sı-bemol mınor, 36 shyǵ.» shyǵarmasy oryndalady.
Reseılik jas býyn mýzykanttardyń ishindegi jaryq juldyzdardyń biri Ekaterına Mechetınanyń oryndaýshylyq sheberliginiń kemeldigi men tań qaldyrarlyq ártistik tartymdylyǵy klassıkalyq mýzykany qurmetteýshilerdiń ystyq yqylasyna bólenip júr. Álemge tanymal Ekaterına Mechetına Reseıdiń, Eýropanyń úzdik orkestrlerimen óner kórsetedi.
Aıta keteıik, E.Mechetına «Trıýmf» jastar syılyǵymen jáne Qoǵamdyq marapattar ulttyq komıtetiniń «Otandyq mádenıet jáne óner salasynyń damýyna zor úles qosqany jáne eńbekteri úshin» ІІІ dárejeli Uly Ekaterına ordenimen marapattalǵan. 2001 jyly ol Reseı prezıdenti janyndaǵy mádenıet jáne óner jónindegi Keńestiń quramyna kirdi.
Esterińizge salaıyq, 2014 jyly 10 mamyrda Astana qalasynda bastalǵan «Astana Piano Passion» ekinshi halyqaralyq klassıkalyq mýzyka festıvali men jas pıanıster baıqaýy 16 mamyrda kontsertpen aıaqtalmaq. Bul kúnder aralyǵynda Astana qalasynyń úzdik kontsert alańdary talantty jas pıanıster men fortepıano óneriniń belgili juldyzdaryna usynylmaq.
