"Astana Piano Passion” 2014 jyldyń 10-16 mamyry aralyǵynda ótedi
ASTANA. 28 qazan. QazAqparat - "Astana Piano Passion" ekinshi halyqaralyq klassıkalyq mýzyka festıvali aıasynda ótetin attas halyqaralyq jas pıanıster baıqaýynyń naqty ótetin kúni belgili boldy. Uıymdastyrýshylar festıvaldi mamyrdyń 10 men 16 aralyǵynda ótkizýge sheshim qabyldady.
Baıqaý uıymdastyrýshylary mamyrdyń jyly kúnderin osyndaı iri de maǵynaly is-sharany ótkizýge yńǵaıly dep sheshti. Birinshiden, bul ýakytta mýzykalyq mektep jáne stýdııa oqýshylary qorytyndy jyldyq synaqtardy tapsyrýǵa daıyn bolady, demek kóptegen talantty balalar úshin baıqaý qosymsha salmaq túsirmeıdi, kerisinshe bilimin tolyqtyra túsedi. Ekinshiden, tek osy kúnderi Astanada kóktemgi aýa-raıy jylynyp, qalypty bolady. Úshinshiden, mamyr aıynyń ekinshi onkúndiginde baıqaýdyń Kórkemdik jetekshisi Denıs Matsýev Qazaqstannyń astanasynda bir apta boıy bolyp, barlyq ýaqytyn álemniń ár elinen kelgen daryndy jas pıanısterge arnaı alady.
"AstanaPianoPassion" ekinshi halyqaralyq jas pıanıster baıqaýyna degen qyzyǵýshylyq joǵary deńgeıde. Búgingi kúni Uıymdastyrý komıtetine baıqaýdyń sharttaryna baılanysty 10-nan asa suranystar kelip tústi. Bul týraly astana. kz habarlady.
