«Astana-Petropavl» trassasynda qaraǵandylyq baıker jol apatynan mert boldy

KÓKShETAÝ. QazAqparat – Aqmola oblysy aýmaǵynda «Astana-Petropavl» jolynda qaraǵandylyq baıker jol apatynan kóz jumdy, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, jol apaty qyrkúıektiń 22-de saǵat 18:45 shamasynda bolǵan.

«Astana – Petropavl» avtojolynda «BMV S1000RR» sporttyq mototsıkliniń júrgizýshisi rólge ıe bola almaı, qısyq jolaqty brýsqa soǵylǵan.

«Saldarynan 41 jastaǵy baıker oqıǵa ornynda kóz jumdy. Mert bolǵan adam Qaraǵandy qalasynyń turǵyny ekeni anyqtaldy. Bul derek Qylmystyq kodekstiń 345-baby 3-bóligi boıynsha sotqa deıingi tergep-tekserýdiń biryńǵaı tiziliminde tirkeldi, tıisti saraptamalar taǵaıyndaldy», - dedi vedomstvodan.

Aıta ketsek, «Astana-Petropavl» trassasynda jol apatynan 29 jastaǵy júrgizýshi kóz jumǵanyn habarlaǵan bolatynbyz.