Astana-Petropavl trasasynda patrýldik polıtsııa kóligin qaǵyp ketti
KÓKShETAÝ. QazAqparat - Aqmola oblysy aýmaǵynda «Astana-Petropavl» tasjolynyń boıynda jol-patrýldik polıtsııa batolonynyń kóligine soǵylǵan Skoda Rapid kóliginiń jolaýshysy kóz jumdy, dep habarlaıdy QazAqparat tilshisi ІІD baspasóz qyzmetine silteme jasap.
21 qańtar keshki ýaqyt 19:00-de Shortandy aýdandyq ІІB kezekshilik bólimine ortalyq aýdandyq aýrýhanada 1980 jyly týǵan er adamnyń dene jaraqtynan kóz jumǵany týraly aqparat túsken.
«Tekseris barysynda sol kúni saǵat 17:45-ter shamasynda «Astana-Petropavl» tasjolynyń 82 shaqyrymynda «Mersedes» kóliginiń 1964 jylǵy júrgizýshisiniń rólge ıe bola almaı jol jaǵasyndaǵy qorshaýǵa soǵylǵany anyqtaldy. Oqıǵa ornyna polıtsııanyń aǵa serjanty tizgindegen «Skoda Superb» kóligimen jol-patrýldik polıtsııa batolonyń qyzmetkerleri kelip, kólikterin joldyń on jaǵyndaǵy arnaıy jolaq tusyna qoıady da ózderi jol qozǵalysyn retteýge kirisken.
Sol kezde, jol apatyna baılanysty materıaldar jınastyryp jatqan olardyń kóligine Kókshetaý qalasynyń 50 jastaǵy turǵyny tizgindegen Skoda Rapid kóligi kelip soǵylady. Kók taıǵaq pen aqtútek borannyń saldarynan soǵylǵan sońǵy kóliktiń ishinde otyrǵan jolaýshysy zardap shegip Shortandy aýdandyq aýrhanasyna jetkizilip, sonda kóz jumdy. Saraptama nátıjesi kórsetkendeı kólik júrgizýshisi saý bolǵan. Osy oqıǵaǵa baılanysty QR QK 345 babanyń 3 bóligi boıynsha sotaldy tergeý júrgizilýde», dep túsindirdi vedomstvodan.
