Astana-Petropavl tasjolynda jolaýshylar avtobýsy men júk avtokóligi soqtyǵysyp qaldy, qurban bolǵandar bar - QR TJM
ASTANA. 8 maýsym. QazAqparat - Astana-Petropavl tasjolynda jolaýshylar avtobýsy men júk avtokóligi soqtyǵysyp qaldy, qurban bolǵandar bar, dep habarlaıdy QR TJM baspasóz qyzmeti.
Búgin saǵat 02:10-da Aqmola oblysynda Astana-Petropavl tasjolynyń 175-shi shaqyrymynda «Mersedes» jolaýshy avtobýsy jáne «GAZ» júk avtokóligi soqtyǵysty, onyń saldarynyn júk avtokóligi órtendi.
Tótenshe oqıǵa saldarynan avtobýs júrgizýshisi oqıǵa ornynda kóz jumdy, avtobýstyń 4 jolaýshysy aýrýhanaǵa jatqyzyldy.
Órtti joıýǵa QR TJM Aqmola oblysy TJD órt sóndirý qyzmeti jeke quramnyń 7 adamy jáne 2 birlik tehnıkasy; QR TJM «Apattyq medıtsına ortalyǵy» memlekettik mekemesiniń 3 adamy jáne 1 birlik tehnıkasy tartyldy.
