«Astana-Petropavl» tasjolynda jeńil kólik bulandy soǵyp ketti

KÓKShETAÝ. QazAqparat - «Astana-Petropavl» tasjolynda jeńil kólik bulanmen soqtyǵysyp, eki adam aýrýhanaǵa jatqyzyldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.

Vedomstvonyń málimetinshe, jol-kólik oqıǵasy «Astana-Petropavl» tasjolynyń 282 shaqyrymynda túnde bolǵan.

«Saǵat 23:30 shamasynda Şýche baǵytynda júrip kele jatqan Audi-80 kóligi «Astana-Petropavl» avtojolynyń 282-shi shaqyrymynda joldyń ústine shyǵyp ketken bulandy qaǵyp ketti. Saldarynan kólik júrgizýshisi men 28 jastaǵy jolaýshy túrli dene jaraqatymen aýrýhanaǵa jatqyzyldy», - dedi vedomstvodan.

Osy rette, tártip saqshylary kólik júrgizýshilerine jolǵa shyqqanda abaı bolýǵa jáne jyldamdyq rejımin saqtaýǵa shaqyrady.

Aıta ketsek, budan buryn Aqmola oblysynda jol apatynan bir otbasy qaza tapqanyn jazǵan edik.