Astana – Petropavl tasjolyndaǵy jol apatynan bir adam qaza tapty
ASTANA. KAZINFORM – Astana – Petropavl avtojolynda bolǵan jol-kólik oqıǵasy saldarynan bir adam qaza taýyp, birneshe adam jaraqat aldy.
Aqmola oblysy polıtsııa departamentiniń málimetinshe, jol apaty 3 shilde kúni saǵat 12:30 shamasynda Astana – Petropavl avtojolynyń 217-shaqyrymynda bolǵan.
«Changan jáne Hyundai kólikteriniń soqtyǵysýy saldarynan bir jolaýshy kóz jumdy. Sondaı-aq zardap shekkender bar», – dep habarlady vedomstvo.
Polıtsııa qyzmetkerleri Astana – Petropavl avtojolynda, ásirese demalys kúnderi kólik qozǵalysy kúsheıetinin atap ótti. Osyǵan baılanysty jyldamdyq rejımin saqtaý, qaýipsiz araqashyqtyqty ustaný jáne muqııat bolý jol-kólik oqıǵalarynyń aldyn alýǵa múmkindik beredi.
Vedomstvonyń málimetinshe, jańbyrly aýa raıynda jol taıǵaq bolyp, tejeý qashyqtyǵy uzarǵandyqtan, kóliktiń syrǵanaý qaýpi artady. Qolaısyz aýa raıy kezinde joldyń jekelegen ýchaskelerinde saǵatyna 50 shaqyrymnan aspaıtyn jyldamdyq belgilengen.
Júrgizýshilerge qaýipsiz araqashyqtyq saqtap, kúrt manevr men tejelýden aýlaq bolýǵa, sondaı-aq qozǵalys jyldamdyǵyn aýa raıyna qaraı tańdaýǵa keńes berildi.
Aıta keteıik, Túrkistan oblysynda jol apatynan bir áýlettiń 5 qyzy kóz jumdy.
