Astana – Petropavl tasjolynda 257 myń sharshy metr jabyn jańartyldy
ASTANA. KAZINFORM – Soltústik Qazaqstan oblysynda respýblıkalyq mańyzy bar «Astana – Kókshetaý – Petropavl – Reseı Federatsııasy shekarasy» avtojolynyń bir bóliginde ortasha jóndeý jumystary jalǵasyp jatyr.
Jolshylar 473-483 shaqyrym aralyǵyndaǵy 10 shaqyrymdyq ýchaskede jóndeý jumystaryn júrgizýde.
Joba aıasynda jol jabynyn jańartý jáne qozǵalys qaýipsizdigin arttyrýǵa baǵyttalǵan birqatar jumystar oryndalǵan.
– Qazirgi ýaqytta asfaltbeton jabynynyń 257 myń sharshy metri jonylyp, 23,8 myń tonna asfaltbeton qospasynan tegisteý qabaty tóseldi. Sonymen qatar qıyrshyq tasty-mastıkalyq asfaltbeton qospasynan 101,7 myń sharshy metr jabynnyń ústińgi qabaty tóseldi, – dep habarlady QazAvtoJol.
Sondaı-aq jol jıegin nyǵaıtý jumystary da júrgizilýde. Búginge deıin 6 myń sharshy metr aýmaq kúsheıtilgen.
Jóndeý jumystaryna arnaıy tehnıkanyń edáýir bóligi tartylǵan.
– Atalǵan jobany júzege asyrýǵa 39 birlik arnaıy tehnıka jumyldyrylǵan. Jóndeý jumystary jol sapasyn arttyrýǵa jáne kólik qozǵalysynyń qaýipsizdigin qamtamasyz etýge baǵyttalǵan, – delingen habarlamada.
Aıta keteıik, Astana – Kókshetaý – Petropavl avtojolynyń ýchaskesinde qozǵalysqa shekteý engiziledi.
