Astana-Petropavl tas jolynda mototsıklshi mert boldy
KÓKShETAÝ. QazAqparat - Astana-Petropavl tas jolynda jol apaty bolyp, 37 jastaǵy mototsıklshi kóz jumdy, dep habarlaıdy QazAqparat tilshisi.
ІІD baspasóz qyzmetiniń málimeti boıynsha, oqıǵa búgin tús kezinde «Astana-Petropavl» tas jolynyń 261 shaqyrymynda tirkelgen.
«Shahtınsk qalasynyń 1981 jylǵy turǵyny «Kovasakı» mototsıkliniń rýline ıe bola almaı jol ortasyn bólip turǵan qorshaýǵa baryp soǵylǵan. Ol apattan alǵan dene jaraqatynan oqıǵa ornynda kóz jumdy. Jol apatyna baılanysty saraptama taǵaıyndalyp, tekseris júrgizilýde», dep túsindirdi ІІD baspasóz hatshysy Gúlnər Pınchýk.
