«Astana-Petropavl» tas jolynda kólik órtenip ketti

KÓKShETAÝ. QazAqparat - Aqmola oblysy aýmaǵynda «Astana-Petropavl» tas jolynyń boıynda kólik órtenip ketti, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, oqıǵa búgin 16 aqpan kúni tańerteń «Astana-Petropavl» tas jolynyń 195 shaqyrymynda bolǵan.

«Anyqtalǵandaı, Astana baǵytynda júrip kele jatqan «Honda Stream» kóliginiń kapotynan bastapqyda tútin shyǵyp, keıin qyzyl jalynǵa ulasqan. Kólik júrgizýshisi 40 jastaǵy aqmolalyq turǵyn aman-esen. Órtti sóndirýge Makınsk qalasyndaǵy 8-qutqarý órt sóndirý bóliminiń qyzmetkerleri jumyldyryldy. Zardap shekkender joq, kólik tolyǵymen órtenip ketti», - dedi vedomstvodan.

Osy rette, tártip saqshylary aqmolalyqtarǵa jolǵa shyqqanda abaı bolýǵa, sondaı-aq, kólik quralyn ýaqtyly tehnıkalyq qyzmet kórsetýden ótkizý, onyń jaramdylyǵyn tekserý, al órt shyqqan jaǵdaıda dúrbeleńge túspeı jolaýshylardyń qaýipsizdigin qamtamasyz etý jáne belgili bir is-qımyl algorıtmin ustanýdy eske salady.

Aıta ketsek, Aqmolada júk kóligin toqtatpaqshy bolǵan mehanık kóz jumdy.

Kadr ız vıdeo