«Astana-Petropavl» tas jolynda bolǵan kólik apatynda polıtsııa qyzmetkeri qaza tapty
ASTANA. 22 qazan. QazAqparat - Búgin «Astana-Petropavl» tas jolynyń 332-shi shaqyrymynda Kókshetaý qalasyna júrip kele jatqan «Aýdı» kóliginiń júrgizýshisi qarsy jolaqqa shyǵyp ketip, «Mıttsýbısı» kóligimen soqtyǵysyp qaldy, dep habarlaıdy Aqmola oblystyq ІІD-niń baspasóz qyzmetinen.
Jol-kólik oqıǵasy saldarynan «Mıttsýbısı» kóliginiń 1960 jylǵy júrgizýshisi oqıǵa ornynda kóz jumdy. Onyń zaıyby Aqmola oblystyq aýrýhanasyna jetkizildi. Sondaı-aq aýrýhanaǵa «Aýdıdiń» júrgizýshisi men jolaýshysy jetkizildi.
Polıtseılerdiń anyqtaýynsha, qaza tapqan azamat Soltústik Qazaqstan oblystyq ІІD-niń rezervinde turdy. Atalǵan fakti boıynsha saraptamalar taǵaıyndaldy, tergeý amaldary júrgizilýde.
