«Astana – Petropavl» tas jolynda birneshe kólik soqtyǵysty
«Astana – Petropavl» tas jolynda birneshe kóliktiń soqtyǵysýynan kólik keptilisi boldy, dep habarlaıdy Kazinform.
Aqmola oblysy PD baspasóz qyzmetiniń málimetinshe, jol-kólik oqıǵasy búgin, 2 qańtarda «Astana – Petropavl» tas jolynyń boıynda Jasyl aýyly mańynda bolǵan.
«Aldyna ala anyqtalǵan málimet boıynsha, jol-kólik oqıǵasy 10-ǵa jýyq kóliktiń soqtyǵysýynan bolǵan. Qaza tapqandar men zardap shekkender joq, kólikterge mehanıkalyq zaqym keldi», – dedi vedomstvodan.
Osy rette, tártip saqshylary júrgizýshilerge aýa raıy jaısyz bolǵan kúnderi arnaıy eskertýlerge qulaq asýǵa, jolǵa shyqqanda abaı bolýǵa, sondaı-aq belgili jyldamdyq rejımin jáne ara qashyqtyqty saqtaý qajettigin eske salady.
Aıta ketsek, budan buryn da Aqmola oblysynda birneshe kólik soqtyǵysqanyn jazǵan edik.
