Astana-Petropavl tas jolynda avtobýs buzylyp, 49 jolaýshy evakýatsııalandy
ASTANA. KAZINFORM — Astana-Petropavl tasjolynda jolaýshylar mingen avtobýs buzylyp, 49 adam evakýatsııalandy, dep habarlaıdy Tótenshe jaǵdaılar mınıstrliginiń baspasóz qyzmeti.
Aqmola oblysyndaǵy Aqkól qalasy men Barap aýyly arasyndaǵy avtojol ýchaskesinde Býrabaı — Qaraǵandy baǵytymen kele jatqan avtobýstyń qozǵaltqyshy buzylyp, jolaýshylar jolda qaldy.
— TJM qyzmetkerleri polıtseılermen birlesip oqıǵa ornyna jedel jetip, 49 jolaýshyny jylytý pýnktine jetkizdi. Osydan keıin jolaýshylardy Qaraǵandy qalasyna jetkizý úshin basqa avtobýsqa otyrǵyzdy, — delingen aqparatta.
TJM alys jolǵa shyqpas buryn aýa raıy jaǵdaıyn eskerip, kóliktiń tehnıkalyq jaǵdaıyn tekserýdi eskertedi.
Aıta keteıik, 8 naýryzda birqatar óńirde aýa raıyna baılanysty eskertý jasaldy.
Sondaı-aq «QazAvtoJol» UK birneshe óńirde kólik qozǵalysyna shekteý qoıylǵany týraly habarlady.
