«Astana-Petropavl» avtojolynyń bóligi aýa raıynyń qolaısyzdyǵyna baılanysty jabyldy
ASTANA. QazAqparat - SQO-da Kellerovka aýylynan Petropavl qalasyna deıingi jol jabyldy, dep habarlaıdy QazAqparat QazAvtoJol baspasóz qyzmetine silteme jasap.
«Aýa raıynyń kúrt nasharlaýyna baılanysty SQO-da kóliktiń barlyq túri úshin saǵat 22:00-den bastap A-1 «Astana-Petropavl» avtojolynyń 367-473 shaqyrym aralyǵy (Kellerovka aýylynan Petropavl qalasyna deıingi ýchaske) jabyldy» delingen habarlamada.
Málemetke saı, kúre joldaǵy ahýal QazAvtoJol ulttyq kompanııasynyń Soltústik Qazaqstan óńirindegi fılıalynyń baqylaýynda. 20 birlik arnaıy tehnıka men 25 jolshy maman qyzmet etýde.
