Astana pedagogtarynyń tamyz konferentsııasy bastaldy

Astana qalalyq bilim berý basqarmasynyń jetekshisi Elmıra Sýhanberdıeva atap ótkendeı, bıylǵy tamyz konferentsııasy «Bilim berýdiń mazmunyn jańartý: bolashaqqa baǵyttaý» atty taqyrypta ótip jatyr. Aıta keteıik, Astana qalasynda ártúrli tıptegi 181 mektepge deıingi bilim berý mekemesi men 88 jalpy orta bilim beretin mektep bar. Jańa oqý jylynda Astana qalasynda 3600 orynǵa arnalǵan úsh jańa mektep ashylady. Jańadan ashylatyn mekteptiń biri Esil aýdanynda, Orynbor kóshesi, 22/1 meken jaıy boıynsha ornalasqan. Bul mektepte 1200 bala bilim alady. Taǵy 1200 orynǵa arnalǵan bir mektep Komsomol turǵyn úı alabynyń aýmaǵynda, 1200 balany bilimmen qamtıtyn úshinshi jańa mektep «Batyǵaı» turǵyn úı alabynda salynǵan.