«Astana-Pavlodar» jolynyń 180 shaqyrymy jóndeledi

ASTANA. QazAqparat - «Astana-Pavlodar» jolynyń 180 shaqyrymy jóndeledi. Bul týraly búgin Ortalyq kommýnıkatsııalar qyzmetindegi brıfıngte Pavlodar oblysynyń ákimi Bolat Baqaýov málim etti, dep habarlaıdy QazAqparat.

«Nurly jol» baǵdarlamasy aıasynda oblys aýmaǵynda «Astana-Pavlodar» respýblıkalyq jolynyń qurylysy júrgizilip jatyr. Salynǵan qarajat kólemi 60 mlrd teńgege jýyqtaıdy. Jyldyń sońyna deıin 180 shaqyrym avtomobıl joly jóndeletin bolady», - dedi Bolat Baqaýov.

Sonymen qatar óńir basshysy «Nurly jol» baǵdarlamasy aıasynda shaǵyn qalalarda ınjenerlik ınfraqurylym nysandaryn jańǵyrtýǵa 1,3 mlrd teńge bólinip, jumystar júrgizilip jatqanyn atap ótti.

«Jalpy 17 shaqyrymnan astam ınjenerelik jeli salynyp, qaıta jóndeletin bolady. Bas sorǵy stansa jańǵyrtylady. Oǵan sońǵy 40 jylda jóndeý jumystary júrgizilmegen edi», - dedi oblys ákimi.