Astana-Pavlodar jolynda júk kóligi órtenip ketti
PAVLODAR. QazAqparat - Shiderti kentine jaqyn mańda «Astana-Pavlodar» jolynyń 105 shaqyrymynda bıtým tasymaldaǵan KamAZ júk kóliginiń kabınasy otqa orandy, dep habarlaıdy QazAqparat pavlodarnews.kz silteme jasap.
Pavlodar oblystyq densaýlyq saqtaý basqarmasynyń baspasóz hatshysy Elmıra Temirǵalıevanyń aıtýynsha, 35 jastaǵy er adam aýrýhanaǵa jetkizilgen.
«Onyń denesiniń 40 paıyzyn kúıik shalǵan. Qazir er adam jansaqtaý bóliminde jatyr», - deıdi Elmıra Temirǵalıeva.
Óńirlik TJD-nyń aqparatyna súıensek, tótenshe jaǵdaı «Astana-Pavlodar» avtobany qurylysy ýchaskesinde oryn alǵan. Jalyn segiz sharshy metrdi sharpyǵan.
«Tilsiz jaýdy aýyzdyqtaýǵa bir avtotsısterna men memlekettik órt sóndirý qyzmetiniń jeke quramynan tórt adam jumyldyryldy», - dedi vedomstvo qyzmetkeri Maral Saǵynaeva.
Qazirgi tańda órttiń shyǵý sebebi anyqtalýda.
