Astana-Pavlodar jolynda buzylǵan avtobýstyń 14 jolaýshysy qutqaryldy
PAVLODAR. QazAqparat - Respýblıkalyq mańyzy bar Pavlodar - Astana jolynda 14 jolaýshy qutqaryldy. Onyń bireýi - bala, dep habarlaıdy pavlodarnews.kz.
Oblystyq TJ departamentiniń memlekettik til jáne aqparat tobynyń málimetinshe, túngi saǵat úshte Semeı-Astana baǵyty boıynsha kele jatqan kólik júrgizýshileri qutqarýshylardan kómek surap júgingen. «Van Hool» markaly jolaýshylar avtobýsy Qalqaman aýylynan 10 shaqyrym jerde isten shyqqan.
«Tańǵy saǵat beste 27 gradýs aıaz boldy. Ekibastuz qalasy TJ basqarmasy qyzmetkerleriniń kúshimen jolaýshylar kenttiń jylytý pýnkti ornalasqan jol boıyndaǵy dámhanaǵa jetkizildi», - deıdi departamentte.
Jolaýshylardyń barlyǵy tańǵy saǵat 4.50-de jolaı ketip bara jatqan avtobýs arqyly Ekibastuz qalasyna jetkizildi. Eshkimge medıtsınalyq járdem qajet bolmady.
