Astana-Pavlodar joly bıyl paıdalanýǵa beriledi
ASTANA. QazAqparat - Astana-Pavlodar joly bıyl paıdalanýǵa beriledi. Bul týraly búgin Úkimette «Nurly jol» memlekettik baǵdarlamasynyń 2017 jyldyń I jartyjyldyǵynda iske asyrylýynyń negizgi qorytyndysyn talqylaý barysynda QR Investıtsııalar jáne damý mınıstri Jeńis Qasymbek málim etti, dep habarlaıdy QazAqparat.
«Ortalyq-Shyǵys jobasy júzege asyryla bastaǵan sátten 230 shaqyrym jol paıdalanýǵa berildi. Aǵymdaǵy jyly jobany júzege asyrýǵa 106 mlrd teńge bólindi. 675 shaqyrym jolda jumystar júrgizilýde. Jyl qorytyndysy boıynsha Astana-Pavlodar ýchaskesiniń 230 shaqyrymynda 4 jolaqty qozǵalysty qamtamasyz etýdi josparlap otyrmyz. Sonymen qatar Semeı-Qalbataý bóligindegi uzyndyǵy 36 shaqyrymdyq sońǵy ýchaske tolyqtaı aıaqtalmaq. 2018 jyly jobany bitiremiz», - dedi mınıstr.
Onyń aıtýynsha, Ortalyq-Batys jobasy boıynsha Astana-Qostanaı avtojoly jáne Aqtóbe-Qarabutaq-Denısovka ýchaskesin qaıta jaǵyrtý jumystary tolyq aıaqtaldy. 2020 jylǵa deıin 114 shaqyrymdyq Denısovka-Qostanaı ýchaskesin aıaqtaý josparlanǵan.
«Aǵymdaǵy jyly Aqtóbe-Atyraý-Astrahan avtojolyn qaıta jańǵyrtýdy bastap, Beıneý-Aqtaý avtojolyn aıaqtaıtyn bolamyz», - dedi Jeńis Qasymbek.
