Astana - Pavlodar tasjolynda júk kóligi janyp ketti
PAVLODAR. QazAqparat - Astana -Pavlodar tasjolynda júk kóliginiń kabınasy men motor bóligi tolyǵymen otqa orandy, dep habarlaıdy pavlodarnews.kz.
«Ekibastuz qalasynyń Qarasor aýylynyń janynda júk kóliginiń janyp jatqany týraly habarlama saǵat 20.17-de tústi», - deıdi oblystyq TJD-niń baspasóz qyzmetinde.
№ 12 órt sóndirý bóliminen shyqqan eki adam men bir tehnıka jalyndy saǵat 21.31-de sóndirdi. Zardap shekkender men qurbandar joq. Budan basqa, keshe saǵat 8.33-te Sharbaqty aýdanynyń Maraldy aýylynda órt tirkeldi. Jeleznodorojnaıa kóshesi, 24 mekenjaıy boıynsha turǵyn úıdiń aýlasynda aǵash qurylymdar men saraı, garaj janyp, tóbesi opyrylyp qulaǵan. Qyzyl jalyn 100 sharshy metrdi sharpyǵan. Órttiń shyǵý sebebi men keltirilgen shyǵyn kólemi anyqtalýda. Tilsiz jaýdy sóndirýge Hmelnıtskıı aýyldyq okrýginiń órtke qarsy qurylymynan alty adam jumyldyrylyp, órt sóndirýshiler syrtqa 27 lıtrlik gaz ballonyn alyp shyqty. № 25 órt sóndirý bóliminiń alty adamy men eki tehnıkasy 13.30-da tilsiz jaýdy aýyzdyqtady.
