«Astana – Pavlodar» tasjolynda erigen qar sýy jolǵa jaıylyp jatyr
ASTANA. KAZINFORM – «Astana – Shiderti – Pavlodar – Ýspenka – RF shekarasy (Qosaq BÓP)» avtojolynyń 117-shaqyrymynda erigen sýdyń jol ústinen ótýi tirkeldi.
27 naýryz kúni saǵat 18:36-da anyqtalǵan jaǵdaıǵa sáıkes, sý jaıylǵan ýchaskeniń uzyndyǵy shamamen 50 metr, tereńdigi 15-20 sm. Bul maýsymdyq sý kóleminiń artýy men muzdyń júrýine baılanysty qalyptasqan.
- Oqıǵa jol qyzmetteriniń baqylaýynda. Atalǵan aýmaqqa «QazAvtoJol» UK-nyń merdigeri – «QazAvtoJolservıs» JShS Aqmola oblystyq fılıalynyń tehnıkasy jumyldyryldy. Qazirgi ýaqytta jol tósemin nyǵaıtý, qalpyna keltirý jáne sý aǵynyn retteý maqsatynda qorǵanys úıindilerin jasaý jumystary júrgizilip jatyr, - delingen aqparatta.
Joldyń bul bóliginde kólik qozǵalysy qalypty rejımde jalǵasýda, kólik keptelisi tirkelmegen. Qaýipsizdik úshin eskertý belgileri ornatylyp, jaǵdaıǵa turaqty monıtorıng júrgizilýde.
Eldi mekenderge qaýip joq.
Saldardy joıýǵa 5 keshendi jol tehnıkasy, 1 avtogreıder jáne 1 tıegish tartylǵan. Jol qyzmetteri táýlik boıy jumys istep, qozǵalystyń qaýipsizdigin qamtamasyz etýde.
Aıta keteıik, Qostanaı oblysynda jol jabyldy.
