«Astana-Pavlodar» tas jolyn qardan tazartyp jatyr
KÓKShETAÝ. QazAqparat - Aqmola oblysy aýmaǵy arqyly ótetin «Astana-Pavlodar» tas jolynyń boıyndaǵy qar 20-ǵa jýyq arnaıy tehnıkanyń kómegimen tazartylýda, dep habarlaıdy QazAqparat tilshisi oblystyq ákimdiktiń baspasóz qyzmetine silteme jasap.
«QazAvtoJol» ulttyq kompanııasy» aktsıonerlik qoǵamy Aqmola oblystyq fılıalynyń dırektory Talǵat Nazymbekovtyń aıtýynsha, qazirgi kezde Astanadan Ereımentaý qalasyna deıingi joldyń boıy qardan tazartylyp jatyr. Qar tazalaý jumystaryna 20 arnaıy tehnıka tartylǵan. Oǵan qosa, osy joldyń boıynda jergilikti polıtsııa qyzmeti jáne TJD bólimsheleriniń qyzmetkerleri táýlik boıy kezekshilik jasaýda.
Qazirgi kezde qatty borannyń saldarynan «Astana-Pavlodar» tas joly ýaqytsha jabyldy», delingen habarlamada.
