«Astana-Pavlodar» tas joly jabyldy
ASTANA. QazAqparat - Boranǵa baılanysty Aqmola oblysy aýmaǵyndaǵy jekelegen jol bólikterinde barlyq kólik túrleri úshin qozǵalys shekteldi, dep habarlaıdy qalalyq TJ departamenti.
Aýa raıynyń qolaısyzdyǵynan «Astana-Pavlodar» tas joly jabyldy. Qazir óńirde burqasyn bolyp, jeldiń ekpini sekýndyna 20 metrge deıin jetti.
Budan buryn 10 jeltoqsanda saǵat 18.00-de aýa raıynyń nasharlaýyna baılanysty kóliktiń barlyq túri úshin respýblıkalyq mańyzy bar «Astana-Petropavl» joly jabylǵan.
Al búgin 13-40-tan bastap aýa raıynyń nasharlaýyna baılanysty (qatty boran) kóliktiń barlyq túri úshin «Astana-Pavlodar» respýblıkalyq mańyzy bar jol ýchaskesinde qozǵalys shekteldi.
Aqmola oblysynda 10 jeltoqsanda saǵat 12-30-de aýa raıynyń nasharlaýyna baılanysty (kúshti jel, qar, joldyń durys kórinbeýi) «Qostanaı-Áýlıekól-Surǵan» (232-260 shaqyrym), «Jezqazǵan-Petropavl» (377-595 shaqyrym) ýchaskesinde jol jabyldy. 18-00-den bastap «Astana-Petropavl» (18-230 shaqyrym, Astana q.- Şýchınsk qalasy) tas jolynda kóliktiń barlyq túri úshin jol jabyldy.
Búgin 13-45-ten bastap aýa raıynyń nasharlaýyna baılanysty (kúshti jel, qar, joldyń durys kórinbeýi) "Astana - Ereımentaý-Shiderti" (16-205 shaqyrym. Astana - Ereımentaý) ýchaskesinde kóliktiń barlyq túrine jol jabyldy.
