Astana - Pavlodar baǵytyndaǵy elektr poıyzy 6 jylqyny qaǵyp ketti

KÓKShETAÝ. QazAqparat – Aqmola oblysy aýmaǵynda Astana - Pavlodar baǵytyndaǵy №8502 elektr poıyzy temirjol boıynda jaıylyp júrgen 6 jylqyny qaǵyp ketti, dep habarlaıdy QazAqparat tilshisi.

Kóliktegi polıtsııa departamenti baspasóz qyzmetiniń málimetinshe, jol-kólik oqıǵasy 29 qyrkúıekte saǵat 20:26 shamasynda Qorjynkól jáne Ólenti temirjol aralyǵynyń 177-shaqyrymynda boldy.

«Pavlodar stantsııasyndaǵy jelilik polıtsııa bóliminiń qyzmetkerleri anyqtaǵandaı, «Astana - Pavlodar» baǵytyndaǵy №8502 elektr poıyzy qozǵalys kezinde jol boıynda jaıylyp júrgen 6 jylqyny qaǵyp ketti. Sonyń saldarynan poıyz 2 saǵat 47 mınýtqa joldan keshikti. Jol-kólik oqıǵasy kezinde elektr poıyzynda 92 jolaýshy jáne 32 personal boldy. Zardap shekkender joq. Qazirgi kezde mal ıesi anyqtalyp jatyr», - dedi vedomstvodan.

Aıta ketsek, Aqmola oblysynda eki kólik soqtyǵysyp, úsh adam tirideı janyp ketti.