«Astana-Pavlodar» baǵyty boıynsha qosymsha jolaýshylar poıyzy saparǵa shyǵady

ASTANA. QazAqparat - Kópshiliktiń suranysyn qanaǵattandyrý maqsatynda «Jolaýshylar tasymaly» AQ «Astana-Pavlodar» baǵyty boıynsha qosymsha №100/99 jolaýshylar poıyzynyń saparǵa shyǵatynyn habarlady.

Júrdek poıyz «Tulpar-Talgo» vagondarynan quralǵan jáne Astanadan 2015 jyldyń 16, 20, 22, 24, 26, 28, 30 jeltoqsan kúnderi, al Pavlodardan 2015 jyldyń 17, 21, 23, 25, 27, 29, 31 jeltoqsan kúnderi attanady. Sonymen qatar, 2015 jyldyń 14 jeltoqsanynan bastap «Astana-Aqtóbe» baǵyty boıynsha №88/87 júrdek poıyzy kún saıyn júretin boldy.