Astana — Pavlodar avtojolyndaǵy jyldamdyq rejımi qalpyna keltirildi
PAVLODAR. KAZINFORM — Júrgizýshiler tórt jolaqty avtobanda endi burynǵysha saǵatyna 140 shaqyrym jyldamdyqpen júıitkı alady. Ózgeris 30 naýryzdan engizildi.
Bul týraly «QazAvtoJol» AQ Pavlodar oblystyq fılıalynan habarlady.
— Jol qozǵalysy qaýipsizdigin qamtamasyz etý maqsatynda QR Іshki ister mınıstrligi bıyl aqpannan bastap jol qozǵalysyna qatysýshylardyń barlyǵy úshin halyqaralyq jáne respýblıkalyq mańyzy bar barlyq avtokólik joldarynda qysqy kezeńge ǵana jyldamdyq rejımin tómendetý týraly sheshim qabyldaǵany málim. Atalǵan ýaqyttan beri Astana — Pavlodar avtobanynda qysqy jyldamdyq rejımi engizilip, shekti jyldamdyq 110 shaqyrym/saǵat bolyp kelgen edi. Aýa raıynyń jaqsarýyna baılanysty jáne ýákiletti organnyń nusqamasyna sáıkes, 2026 jyldyń 30 naýryzynan bastap «Pavlodar-Astana» avtojolynda jyldamdyq rejımi (140 shaqyrym/saǵat) qalpyna keltirildi, — dep málimdedi «QazAvtoJoldan».
Eske sala keteıik, 9 aqpannan Astana — Pavlodar avtobanynda jyldamdyq rejımi tómendetilgen edi.
