Astana-Pavlodar avtojolynda jol apatynan 5 adam zardap shekti
PAVLODAR. KAZINFORM - Olardyń tórteýin jedel járdem brıgadasy Ekibastuz qalalyq aýrýhanasyna jetkizdi. Zardap shekkender arasynda 2009 jylǵy qyz bala bar.
Óńirlik polıtsııa departamentinen habarlaǵandaı «Astana-Pavlodar» avtojolynda úsh avtokólik soqtyǵysqan.
- Avtobannyń 118-shaqyrymynda úsh avtokólik soqtyǵysqan. Polıtsııa jol-kólik oqıǵasy boıynsha tekserý júrgizýde, onyń saldarynan 5 adam aýrýhanaǵa jetkizildi. Oqıǵanyń mán-jaıy anyqtalyp jatyr, - dep málimdedi departamenttiń baspasóz qyzmetinen.
Al óńirlik jedel járdem stansasynyń málimetinshe, jol apatynan 4 adam zardap shekken. Olar – 2009 jylǵy qyz bala jáne 1970, 1994, 1998 jylǵy er adamdar. Zardap shekkenderdiń barlyǵy Ekibastuz qalalyq aýrýhanasyna jetkizilgen.
Buǵan deıin Pavlodar - Astana baǵytyndaǵy aqyly avtoban qatty ystyqtan búlingeni týraly jazǵanbyz.
Jol-kólik apaty sol jerge jaqyn mańda bolǵan.