Astana - Pavlodar avtobanynyń jyrǵa aınalǵan bóligi jóndeletin boldy
PAVLODAR. KAZINFORM - Birneshe jyldan beri buzylyp jatqan 24 shaqyrym jolǵa keler jyly asfaltbeton jabyny tóseledi.
Astana - Pavlodar avtobanynyń bir bóligi - Shiderti kenti mańyndaǵy nashar joldyń máselesi on jylǵa jýyq aıtylyp keledi. Joldyń bul bóligi asfaltpen kómkerilgen. Jaqyn jerdegi Bozshakól kenishiniń júk kólikteri bul ýchaskeni únemi búldirip, elordamen eki ortada júretin kólik aǵynyna aıtarlyqtaı kedergi keltiredi. Ásirese 230-254 shaqyrym aralyǵy túnde júrgen ýaqytta qaýipti.
Júrgizýshilerdiń áleýmettik jelide jarııalaǵan janaıqaıyn aqyry «QazAvtoJol» ulttyq kompanııasy estidi.
- «Astana - Shiderti - Pavlodar - Ýspen - RF shekarasy» avtomobıl jolynyń 230-254 shaqyrym aralyǵynda, Shiderti kenti mańynda ortasha jóndeý jumystaryn júrgizý úshin bizdiń kompanııanyń pavlodarlyq fılıaly men «AZA» merdiger uıymy arasynda shart jasaldy. Búginde jol-qurylys materıaldaryn daıyndaý jáne asfaltobeton zavodyn mobılızatsııalaý jumystary júrgizilip jatyr. Asfaltbeton jabynyn tóseý jumystary 2026 jyly aýa raıy qolaıly bolǵan kezde bastalady. Budan bólek, bıylǵy 8 qazannan bastap merdiger uıym qaýipsiz jol qozǵalysyn qamtamasyz etý maqsatynda shuńqyrlardy jóndeıdi, - dep habarlady «QazAvtoJol» ulttyq kompanııasynyń Pavlodar oblystyq fılıalynan.
Atap óterligi atalǵan jol bóliginde júrgizýshilerden aqy alynbaıdy. Biraq qozǵalys jyldamdyǵyn shekteıtin jol belgileri ornatylǵan.
Eske sala keteıik bıyl jazda atalǵan avtoban qatty ystyqtan búlingeni týraly jazǵanbyz.
Onyń saldarynan bir jeńil kólik zııan shekti.