«Astana» oıynshylary balalar úıiniń tárbıelenýshilerine arnap sheberlik synybyn ótkizdi
ASTANA. QazAqparat - «Best for kids» qoǵamdyq qorymen birlesip «Astana» qaıtalaýshy quramasynyń fýtbolshylarymen birlesip Aqkól kentindegi balalarǵa arnalǵan demalys lagerine bardy
Ol jerde Aqkól, Jolymbet, Ýrıýpınsk, Stepnogor balalar úıiniń 1-9 synyp oqýshylary demalyp jatqan bolatyn, dep habarlady elordalyq komanda baspasóz qyzmetinen.
«Astanalyq fýtbolshylar balalar úıi tárbelenýshilerine shaǵyn sheberlik synybyn kórsetti, sodan keıin bes komandaǵa bólinip, shaǵyn fýtbol týrnırin ótkizdi. Nátıjesinde qatysqandar ishinen «Astana» fýtbolshylarynyń matchy úzdik shyqty. Oıyn 2:2 esebimen aıaqtaldy, al penaltı serııasynda 3:1 esebimen balalar úıiniń tárbıelenýshileri jeńiske jetti», - delingen taratylǵan aqparatta. Fýtboldan basqa, balalarǵa túrli baıqaýlar, vıktorınalar, taekvando boıynsha sheberlik synyby ótkizildi. Eske sala keteıik, «Astana» FK negizgi quramy ıspandyq «Vılıarrealmen» jolyǵatyn ÝEFA Eýropa Lıgasy biliktiliginde pleı-offqa shyqty. Birinshi match 21 tamyzda «Astana-Arenada» ótedi. Jaýapty oıyn 28 tamyzǵa belgilengen.
