«Astana-Óskemen» avtobýsynyń júrgizýshisi uryny ustap berdi
PAVLODAR. QazAqparat - Qańtar aıynyń sońǵy kúni Ekibastuz polıtsııasynyń qyzmetkerleri «Astana-Óskemen» qalaaralyq avtobýsy júrgizýshisiniń kómegimen qoǵamdyq kólikte úsh jolaýshydan 240 myńnan astam teńge urlaǵan Aqtoǵaı aýylynyń 32 jastaǵy turǵynyn ustady, dep habarlady Pavlodar oblystyq ІІD-niń baspasóz qyzmetinen.
Saǵat túngi ekilerde kóliktegi jolaýshylardyń biri 120 myń teńge aqshasyn joǵaltqanyn aıtqan. Avtobýstyń júrgizýshisi Shiderti kentine jaqyndaǵanda polıtseılerdi shaqyrtyp, olar kelgenshe eshkimdi tysqa shyǵarmaǵan. Jolaýshylardy suraý kezinde taǵy eki jábirlenýshiniń bar ekeni, olardan 120 myńnan astam teńge urlanǵany anyqtalǵan.
Jolaýshylardyń biri avtobýs kele jatqanda birneshe ret oryn aýystyrǵany belgili boldy. Kúdikti jolaýshylardyń arasynda uıyqtap qalǵandaryn, kıimderin jáne jeke zattarynyń qaıda qoıǵanyn baqylap otyrǵan.
Odan aıǵaq zattar tabyldy. Qazirgi kezde kúdiktiniń basqa qylmystarǵa qatysy tekserilip jatyr. Ol ýaqytsha ustaý abaqtysyna qamaldy, sot aldyndaǵy tergeý amaldary júrgizilýde.
