Astana ortalyǵyndaǵy 4 kóshege birjaqty qozǵalys engizbek
ASTANA. QazAqparat – Elordada taǵy birneshe kóshe birjaqty qozǵalysqa aýystyrylýy múmkin. Bul týraly Astana qalasynyń kólik jáne jol-kólik ınfraqurylymyn damytý basqarmasynyń basshysy Jansultan Saparbaev málim etti, dep habarlaıdy QazAqparat tilshisi.
«Táýelsizdik dańǵyly men ál-Farabı kóshesin jalǵaıtyn kópir paıdalanýǵa berilse, Máńgilik el dańǵylyna júkteme azaıady dep kútemiz. Kópirdi qazan aıynyń sońynda nemese qarashanyń basynda iske qosý josparlanyp otyr. Sondaı-aq qazir Ákimshilik polıtsııa basqarmasymen birlesip jumys júrgizip jatyrmyz. Dostyq, Qonaev, Túrkistan jáne Aqmeshit kóshelerine birjaqty qozǵalysty engizý máselesi qaralyp jatyr. Biraq ol úshin atalǵan kóshelerdi ortasha jóndeý qajet. ıAǵnı, Saraıshyq kóshesin keńeıtýge týra keledi», - dedi Jansultan Saparbaev qalalyq máslıhattyń otyrysynda.
Basqarma basshysynyń aıtýynsha, kóshelerge birjaqty qozǵalys engizý aldymen zertteledi jáne ol qoǵamnyń talqysyna shyǵarylady.
«Táýelsizdik kópirin iske qosqannan keıin bul máselege qaıta oralamyz. Jańa kópirdiń qaladaǵy jol qozǵalysyn qanshalyqty jeńildetinin baıqaý kerek», - deıdi ol.
