Astana ortalyǵynda jaıaý júrginshini qaǵyp ketken mototsıklshi mert boldy
ASTANA. QazAqparat - Astana ortalyǵyndaǵy retteletin jaıaý júrginshiler jolynyń birinde «Honda» mototsıkliniń júrgizýshisi jaıaý júrginshini qaǵyp ketip, qarsy jolaqtaǵy «Mersedes», «Hende» avtokólikterimen soqtyǵysty, dep habarlaıdy Astana ІІD baspasóz qyzmeti.
Jol-kólik oqıǵasy saldarynan mototsıkl júrgizýshisi men jaıaý júrginshi qalalyq aýrýhanaǵa jetkizildi. Aýyr jaraqat alǵan 27 jastaǵy mototsıkl júrgizýshisi aýrýhanada kóz jumdy. 22 jastaǵy qyz (jaıaý júrginshi) medıtsınalyq mekemege jatqyzyldy.
30 shilde kúni shamamen 18:00-de Turan dańǵylynda bolǵan jol-kólik oqıǵasy faktisi boıynsha Astana ІІD tergeý basqarmasy QR QK 345-baby boıynsha sotqa deıingi tergeý jumystaryn júrgizip jatyr. Qajetti saraptamalar taǵaıyndaldy.
