Astana: Órt sóndirýshiler janar-jaǵarmaı stansasyndaǵy jarylystyń aldyn aldy
ASTANA. QazAqparat - Elordalyq órt sóndirýshiler janar-jaǵarmaı quıý stansasyndaǵy jarylystyń aldyn aldy, dep habarlaıdy QazAqparat qalalyq Tótenshe jaǵdaılar departamentine silteme jasap.
21.05-te 101 pýltine Qorǵaljyn trassasynda ornalasqan «Sinooil» janar-jaǵarmaı quıý stansasyndaǵy órt jóninde habarlama túsken. Oqıǵa ornyna shuǵyl jetken Órt sóndirý qyzmetiniń kezekshi bólimshesi onyń aýmaǵynda«KIA Sportage» avtomobıliniń janyp jatqanyn, jalynnyń benzın kolonkasyna jaqyndap qalǵanyn kórgen.
« Órtke qarsy kúres mamandarynyń shuǵyl áreketiniń arqasynda jarylystyń aldy alyndy. Mundaǵy kólikter qaýipsiz jerge shyǵaryldy. Tilsiz jaý 21.24-te aýyzdyqtalyp, 21.30-da tolyqtaı sóndirildi»,- delingen habarlamada.
Qazaq tapqandar men zardap shekkender joq. Órttiń sebep-saldaryn anyqtaý jumystary júrip jatyr. Jalyndy aýyzdyqtaýǵa jeke quramnyń 14 adamy men 5 tehnıkasy jumyldyryldy. Al «KIA Sportage» avtomobıli túgi qalmaı janyp ketti.
