«Astana - Oral» jáne «Almaty - Oral» júrdek poıyzdary iske qosylady

ASTANA. QazAqparat - 2017 jyldyń 26 qyrkúıegi kúni «Astana - Oral», «Almaty - Oral» baǵyttary boıynsha jańa «Tulpar-Talgo» júrdek poıyzdary iske qosylady, dep habarlaıdy QTJ baspasóz qyzmeti.

«Astana - Oral» poıyzy aǵymdaǵy jyldyń 26 qyrkúıegi kúni «Astana - Nurly jol» stantsııasynan saǵat 11:33-te attanyp, Oral stantsııasyna 27 qyrkúıek kúni 12 saǵat 42 mınýtta jetedi. Poıyzdyń joldaǵy ýaqyty 13 saǵatqa qysqarady (39 saǵattan 26 saǵatqa deıin).

Almaty - Oral poıyzy «Almaty-2» stantsııasynan 26 qyrkúıek kúni 20 saǵat 17 mınýtta attanyp, Oral stantsııasyna 28 qyrkúıek kúni 10 saǵat 37 mınýtta jetedi.

«Almaty - Oral» poıyzynyń  joldaǵy ýaqyty 22 saǵatqa qysqarady (60 saǵattan 38 saǵatqa).

Ár quram qazaqstandyq óndiristegi 27 vagonnan qurastyrylyp, olardyń ekeýi «Grand» klasyndaǵy, ekeýi - «Bıznes» kýpe vagondaryn quraıdy.