«Astana - Oral» baǵytyndaǵy poıyzǵa jańa vagondar qosyldy

ASTANA. KAZINFORM - «Sary-Arqa kompanı» jekemenshik temirjol tasymaldaýshysy vagon parkin jańartý úshin jelige taǵy jańa úsh platskart vagon shyǵardy, dep habarlaıdy QR Kólik mınıstrliginiń baspasóz qyzmeti.

Baspasóz qyzmetiniń habarlaýynsha, tasymaldaýshy buǵan deıin erekshe qajettiligi bar jandarǵa arnalǵan arnaıy vagondy iske qosty. Jańa vagondar zamanaýı jabdyqtarmen erekshelenedi. Olardyń ishinde kondıtsıonerler, tońazytqyshtar, arnaıy peshter, rozetkalar men gadjetterdi qýattaýǵa arnalǵan USB-uıashyqtar ornatylǵan. Qaýipsizdik úshin beınebaqylaý kameralary men 4G-modemder qoıylǵan, al qyzmet kórsetý sapasyn arttyrý maqsatynda jolaýshylarǵa QR arqyly pikir qaldyrý júıesi engizildi.

- Búginde kompanııanyń 23 vagony beınebaqylaý júıesimen jabdyqtalǵan, bul «Astana – Oral» baǵyty boıynsha saparlardy qaýipsiz ári jaıly etedi, - delingen habarlamada.

Osyǵan deıin «Oral – Mańǵystaý» baǵytyndaǵy poıyzda áıelder vagony iske qosylǵany týraly jazdyq.

Jolaýshylar vagondary parki tolyqtaı jańaratyny týraly da jazdyq.