«Astana Operanyń» jetekshi solısteri «La Skala» teatrynda sheberligin shyńdaýda
ASTANA. QazAqparat - «Astana Operanyń» jetekshi solısteri aty ańyzǵa aınalǵan mılandyq «La Skala» teatrynda vokaldyq oryndaý sheberligin shyńdaýda. Bul týraly teatrdyń baspasóz qyzmeti habarlady.
Jupar Ǵabdýllına men Dına Hamzına «La Skala» teatry akademııasynyń úzdik ustazdarynan birneshe oqý kýrsynan ótip jatqandardyń alǵashqylary, olar ózderi úshin opera óneriniń jańa qyryn ashady. Ánshiler «Astana Operada» qarasha aıynda tusaýy kesiletin Dj. Verdıdiń «Aıda» operasyndaǵy Aıda jáne Amnerıs partııalaryn oryndaýǵa ázirlenýde.
Opera ánshileriniń «ustahanasy» - «La Skala» vokaldyq mektebi 1991 jyly ashylǵan. Búginde Akademııa - bul oqýshylaryna teatr ónerimen baılanysty barlyq mamandyqtar boıynsha biliktilikti arttyrý kýrsyn usynady.
Akademııa oqytýmen qatar, kásibı baǵytta mamandandyrylǵan ortalyq pen keńes berý jáne mádenı áriptestik baǵdarlamasy men zertteý baǵdarlamasyn damytý jónindegi arnaıy departamentti basqarady. Italıandyq derbes uıym bolyp sanalatyn Akademııanyń áriptestik aıasynda ózge sheteldik mekemelermen birlesip júzege asyrǵan jobalarynyń negizinde ózderiniń pedagogıkalyq jáne jattyqtyratyn ádisterin jaqsartý maqsatynda zertteý júrgizip kele jatqanyna 10 jyldan asty.
"Astana Opera" teatrynyń jetekshi solıster munda kúnine 6 saǵat boıy dárister alady. Jupar Ǵabdýllına jetilýdiń joldary san qyrly ekenin atap ótti. «Ár sabaq aldyńǵysynan jaqsy bolýy kerek. Qazir ánshilerge qoıylatyn talap óte joǵary, alaıda shyńdalam degen ánshige múmkindiktiń de mol ekenin umytpaý qajet. Kózdegen nátıjemizge jetý úshin biz de sheteldiń kóptegen uly ánshileri sııaqty operanyń Otany - «La Skalaǵa» tájirıbe jınaýǵa bara jatyrmyz. Bizdiń teatr álemdik deńgeıdi kózdeıdi, biz de soǵan saı bolýymyz kerek. Osy alatyn tájirıbem óte kúrdeli keıipker - Aıda partııasyn laıyqty somdaýǵa kómektesedi dep úmittenemin. Biz atalǵan partııanyń klavırynyń ereksheligimen jumys jasaımyz, sondaı-aq mátinderdi pysyqtap, yrǵaq pen ekpindi sátterdi naqtylaımyz. Men jastaıymnan «La Skalaǵa» oqýǵa barsam dep armandaýshy edim, endi mine, sol armanym oryndaldy senimdi túrde aıta alamyn», - deıdi oıymen bólisken Jupar Ǵabdýllına.
Opera ánshileri «La Skala» Akademııasynda dáris alý, olardyń shyǵarmashylyq-vokaldyq ómirlerinde jańa kezeńge aınalatynyna senimdi.
«Keıde ózime-ózim teatr ónerin jetik meńgerýge talpap qoıamyn. Osy turǵyda ustazdar bizben egjeı-tegjeıli jumys júrgizip, kásiptik jaǵynan kelemdenýimizge, boıymyzdaǵy bar múmkindigimizdi ashýǵa kómektesedi dep oılaımyn. Ataqty mılandyq teatrdyń atmosferasy jumystyń nátıjeli bolýyna yqpal etedi», - dep tolyqtyrdy Dına Hamzına.
