«Astana Operanyń» jetekshi solısi Jupar Ǵabdýllına Rýmynııada Aıdany shyrqaıdy
ASTANA. QazAqparat - Rýmynııa operalyq teatrynyń art-dırektory Mihai Cosma jáne dırıjeri Krıstıan Sandý «Astana Operanyń» jetekshi solısi Jupar Ǵabdýllınany Djýzeppe Verdıdiń «Aıda» operasynda basty partııany oryndaýǵa shaqyrdy, dep habarlady teatrdyń baspasóz qyzmeti.
Qazaqstandyq opera ánshisi 12 sáýirde Rýmynııa ulttyq opera jáne balet teatrynyń (Býharest) sahna tórinde óner kórsetedi.
Jupar Ǵabdýllına - respýblıkalyq jáne halyqaralyq konkýrstardyń laýreaty, «XXI ǵasyr óneri» halyqaralyq konkýrsynyń bas júlde ıegeri, 2013 jyly «Dj. Verdı - 200 jyl» atty halyqaralyq opera festıvalinde «Aıda» operasynan Aıda partııasyn oryndaǵan.
Ánshi Verdıdiń eki júz jyldyǵyna arnalǵan festıvalde óziniń shyrqaǵany Krıstıan Sandýǵa (Cristian Sandu) qatty áser etkenin jáne ol ıtalıandyq operada oınaýǵa ról usynǵanyn maqtanyshpen eske alady. «Shaqyrý alǵanyma óte qýandym, ataǵy álemge tanymal opera ánshilerimen sahnada qatar turyp án salý men úshin úlken qurmet, árıne»., - dedi ol.
Jupar Ǵabdýllına Aıdany Abaı atyndaǵy memlekettik akademııalyq opera jáne balet teatrynda oryndady. bul partııa obrazy jaǵynan lırıkalyq ekenin, alaıda daýystyq turǵydan alǵanda onda vokaldyq, ásirese dramalyq sátterdi jetkizýde qıyndyqtar kóp ekenin atap ótti. Ártistiń dıapazony óte keń bolýy kerek. «Býhareste sahnaǵa shyǵatyn áriptestermen buǵan deıin birde-bir ret óner kórsetken emespin. Alaıda búgingi kúni ushaqtan túse salyp, birden sahnaǵa shyǵatyn zaman. Bul jerde shydamdylyq qajet jáne ıkemdele bilý kerek. Osy tusta óz óner ordamyzdyń qanaty astynda atqarylǵan jumystar jemisin berip, jaqsy kómektesedi. Álemde tanymal joǵary bas ıesi - Eldar Ábdirazaqovpen birge «Attıla» operasynda Odabella partııasyn oryndaǵanym, keıin Marıın teatrynda Roberto Talıavınımen shyrqaǵanym men úshin jaqsy tájirıbe boldy, sondyqtan da aldaǵy Býhareste ótetin tusaýkeser oıdaǵydaı ótetinine senimim bar», - deıdi J.Ǵabdýllına.
