«Astana Operanyń» úlken zaly «Birjan-Sara» operasymen ashylady
ASTANA. QazAqparat - Muqan Tólebaevtyń úzdik týyndylarynyń biri - «Birjan-Sara» operasy úlken zaldyń shymyldyǵyn túrip, teatr trýppasynyń gastroldik sapardan keıingi jumysyn 4 sáýirde qaıta jandandyrady. Operanyń qoıýshy dırıjeri, jańa mýzykalyq redaktsııasynyń avtory - Abzal Muhıtdınov, qoıýshy rejısseri - ıÝrıı Aleksandrov. Bul týraly «Astana Opera» teatrynyń baspasóz qyzmeti habarlady.
Basty partııalardy «Astana Opera» sahnasynda alǵash ret oryndaıtyndar: QR eńbek sińirgen qaıratkeri Aıgúl Nııazova (Sara) jáne Halyqaralyq konkýrstardyń laýreaty Beıimbet Tańaryqov (Birjan).
2013 jyldyń maýsymynda teatr óziniń alǵashqy maýsymyn resmı túrde ulttyq operamyz - «B irjan-Saramen» ashyp, al 2014 jyly aqpan men naýryz aılarynda osy týyndyny Abaı atyndaǵy MAOBT jáne Marıın teatrynyń sahnasynda gastroldik sapar aıasynda qoıǵan edi. Operaǵa jańasha kózqaras bildirgen reseılik qoıýshy rejısser ıÝrıı Aleksandrovtyń qoıylymy elimiz - Qazaqstanda jáne jaqyn shetel - Reseıde de mýzykalyq synshylar men tis qaqqan kórermenniń joǵary baǵasyn ıelendi.
«Birjan-Sara» operasynan keıin negizgi zalda aýyz toltyryp aıtatyn tusaýkeserler birinen keıin biri ótedi, atap aıtqanda:
11 men 13 sáýirde kórermen nazaryna stıldik turǵydan frantsýzdyq, alaıda rýhy jaǵynan ıtalıandyq «Bogema» operasy usynylady.
25, 26 jáne 27 sáýirde kórermenniń súıikti baletteriniń biri P. Chaıkovskııdiń «Aqqý kóli» qoıylady.
Munymen qatar ónerdi baǵalaıtyn kishkentaı áýesqoılar úshin jaǵymdy jańalyq - teatr tegin ekskýrsııa júrgizýin qaıta jalǵastyrady. Balalarǵa shymyldyqtyń arǵy jaǵynda ne bolyp jatqany - óner oshaǵynyń qupııa da, kópshilik úshin belgisiz túkpiri kórsetiledi.
