«Astana Operanyń» Reseıge gastroli: Bıletter bir aı buryn satylyp ketken
NUR-SULTAN. QazAqparat - «Astana Opera» shyǵarmashylyq ujymy «Sankt-Peterbýrg Opera» memlekettik kameralyq mýzykalyq teatrda «Jibek saty» opera-farsyn sahnalaıdy, dep habarlaıdy QazAqparat.
20 qazan kúni «Sankt-Peterbýrg Opera» memlekettik teatrynda anshlag bolady. Sebebi qazaqstandyq ártisterdi asyǵa kútken peterborlyq kórermender qoıylymǵa barlyq bıletterdi bir aı buryn satyp alǵan.
Gastrol «Rýhanı jańǵyrý» baǵdarlamasy aıasynda QR Mádenıet jáne sport mınıstrliginiń qoldaýymen ótedi.
«Spektaklderdiń joǵary deńgeıi men ártisterimizdiń asqan sheberliginiń arqasynda «Astana Opera» teatryn álemdik mádenı keńistikte jaqsy biledi jáne baǵalaıdy. Jetinshi teatr maýsymynyń gastroldik kestesin ashatyn «Sankt-Peterbýrg Opera» sahnasyndaǵy qoıylym Reseıdiń Halyq ártisi, QR Memlekettik syılyǵynyń laýreaty ıÝrıı Isaakovıch Aleksandrovtyń shaqyrtýy arqasynda ótedi. Gastroldi ótkizý boıynsha barlyq shyǵyndardy Sankt-Peterbor teatry tolyǵymen óz moınyna aldy. Bizdiń trýppa men kórnekti reseılik rejısser arasyn tyǵyz kópjyldyq dostyq baılanystyratynyn atap ótken jón. Talǵampaz peterborlyq kórermen aldynda óner kórsetý biz úshin úlken qurmet ári jaýapkershilik, spektakl úlken jetistikpen ótetinine senim bildiremiz, - dedi «Astana Opera» teatrynyń dırektory, Qazaqstannyń eńbek sińirgen qaıratkeri Ǵalym Ahmedıarov.
Djoakkıno Rossını 20 jasynda venetsııalyq San-Moze teatryna arnap, Dj.M.Fopptyń lıbrettosyna «Jibek saty» bir bólimdi kúldirgi opera-farsyn jazdy. Spektakl jarqyn ázil-syqaq pen oqıǵalar jelisindegi ártisterdiń jandy sýyryp-salma mánerimen, daryndy vokaldyq jáne aspaptyq partııalarymen erekshelenedi. Uly kompozıtor óziniń tamsanysyn bir-birine ǵashyq jas jubaılar Djýlııa men Dorvıldiń jalyny men tapqyrlyǵy arqyly bildiredi.
Basty partııalardy oryndaýǵa «Astana Opera» jetekshi solısteri, qazaqstandyq operalyq sahna juldyzdary daıyndalýda: Djýlııa – Qazaqstannyń eńbek sińirgen ártisi Jannat Baqtaı, Dorvıl – Qazaqstannyń eńbek sińirgen qaıratkeri Jan Tapın, Djermano – Qazaqstannyń eńbek sińirgen qaıratkeri, QR Memlekettik syılyǵynyń laýreaty Súndet Baıǵojın. Spektaklge sondaı-aq teatrdyń daryndy solısteri qatysady: Lıýchılla – Saltanat Muratbekova, Blanzak – Evgenıı Chaınıkov, Dormont – Ramzat Balakıshıev.
«Astana Opera» Kameralyq orkestri spektakldiń qoıýshy dırıjeri Qazaqstannyń eńbek sińirgen qaıratkeri Abzal Muhıtdınovtiń jetekshiligimen óner kórsetedi, klavesın partııasynda – Elena Sahno, Janar Ahmetova. Qoıýshy rejısser – Alla Sımonıshvılı, stsenograf jáne kostıýmder boıynsha sýretshi – Manana Gýnıa. Jobanyń tehnıkalyq dırektory – Vıktor Karare, qoıýshy dırıjerdiń assıstenti – Rýslan Baımýrzın, qoıýshy rejısserdiń assıstenti – Erenbaq Toıkenov. Kontsertmeısterler – Elena Sahno, Janar Ahmetova, Merýert Jekenova, qoıýshy rejısserdiń kómekshileri – Altynǵanym Ahmetova, Mánsııa Estekova. Joba úılestirýshisi– Marjan Jákenova.
Aıta keteıik, 9 jáne 10 qarashada «Sankt-Peterbýrg Opera» memlekettik kameralyq mýzykalyq teatrdyń shyǵarmashylyq ujymy óz kezeginde Qazaqstannyń astanasyna gastrolmen keledi. Alǵash ret «Astana Opera» sahnasynda ártister álemdik opera óneriniń jaýharlary – Dj.Verdıdiń «Rıgoletto» jáne J.Bızeniń «Іnjý izdeýshiler» týyndylaryn usynady.
