«Astana Operada» qazan aıynda qandaı kontsertterdi tamashalaýǵa bolady

1 qazan, Mýzyka kúni, saǵat 19.00-de «Máńgi óshpes iz qaldyrǵan» sımfonııalyq kontsertterdiń jańa toptamasyn Antonıo Vıvaldıdiń týyndylarynan turatyn qyzyqty baǵdarlama ashpaq.

«Astana Opera» kameralyq orkestri Qazaqstannyń eńbek sińirgen qaıratkeri Abzal Muhıtdınovtyń jetekshiligimen óner kórsetedi. Mýzykalyq keshke sondaı-aq teatrdyń jetekshi solısi, Bashqurtstannyń eńbek sińirgen ártisi Alfııa Karımova (soprano), Batyrjan Smaqov (kontrtenor), «Astana Opera» orkestriniń solısi ári kontsertmeısteri, Qazaqstannyń eńbek sińirgen qaıratkeri Baǵdat Ábilhanov, mádenıet qaıratkeri Aısulý Baıkenova, Mádına Kapeý (skrıpkalar), Áset Neldibaev (fagot), Damılıa Mahpırova, Nurgúl Saparova (goboılar) qatysady.

Alǵash ret Qazaqstanda «Azat etilgen Andromeda» operasynan Perseıdiń arııasy shyrqalady. Baǵdarlamaǵa sonymen qatar «Baıazet» operasynan Irena men «Grızelda» operasynan Konstantsanyń arııalary, «Jyl mezgilderi» toptamasy, eki skrıpka men orkestrge arnalǵan kontsert, eki goboı men orkestrge arnalǵan kontsert, fagot pen orkestrge arnalǵan kontsert engen. Júrgizýshi – mádenıet qaıratkeri Marjan Jákenova.

3 qazanda saǵat 19.00-de ataqty opera ánshisi, eń joǵarǵy erler daýysynyń ıegeri Erik Qurmanǵalıevty eske alýǵa arnalǵan «Vokaldyq parallelder» kontserti ótedi. Áıgili vokalıstiń daýysy orasan zor dıapozondy qamtyǵan ári keremet ıkemdiligi men tehnıkalyq jaǵynan erekshelengen, bul oǵan sopranolyq ta, kontralttik te partııalardy oryndaýǵa múmkindik bergen. Kesh qonaqtary – Erik Qurmanǵalıevpen birge álemniń jetekshi sahnalarynda óner kórsetken dostary, reseılik ártister – Larısa Rýdakova (soprano), Rýstam ıAvaev (kontrtenor), Oleg Rıabets (kontrtenor), Aleksandr Kotovşıkov (fortepıano). Olarmen birge Kameralyq zal sahnasyna belgili qazaqstandyq vokalıst, «Astana Opera» jetekshi solısi Jupar Ǵabdýllına (soprano), Batyrjan Smaqov (kontrtenor), aspapshy mýzykanttar: Maqpal Bekmaǵambetova (skrıpka), Asqar Muqanov (vıolonchel), Gýmır Saıdalın (fleıta), Raýshan Beskembırova (fortepıano) shyǵady. Oryndaýshylar Erik Qurmanǵalıevtyń repertýarynan týyndylardy, sonyń ishinde álemdik operalyq jáne vokaldyq klassıka jaýharlaryn, sondaı-aq otandyq avtorlardyń shyǵarmalaryn usynady.

6 qazan kúni saǵat 12.00-de S.Prokofevtiń «Petıa men qasqyr» sımfonııalyq ertegisi mektep jasyna deıingi úlken balalar men 1-5 synyp oqýshylaryn sımfonııalyq orkestr aspaptarymen tanystyratyn bolady. Balalar mýzyka álemine sapar shegedi: erteginiń árbir keıipkeriniń óz taqyryby bar, sol arqyly naqty bir mýzykalyq aspapty baıandaıdy. «Astana Opera» sımfonııalyq orkestri dırıjer Rýslan Baımýrzınnyń jetekshiligimen óner kórsetedi. Mátin oqýshy – Qyrǵyzstannyń Halyq ártisi Sergeı Matveev, alǵysóz – mýzykatanýshy Sáýle Máýletova.

8 qazanda saǵat 19.00-de «Klassıkalyq mýzyka jelisimen» kontserti tanymal Bel Canto mýzykalyq salony toptamasynyń jańa maýsymyn ashady. Kesh baǵdarlamasynda operalardan arııalar men dýetter, batys eýropalyq kompozıtorlardyń belgili ánderi men romanstary shyrqalyp, aspaptyq klassıka usynylady. Mýzyka súıer qaýymdy teatrdyń keremet solısteri, qazaqstandyq opera juldyzdary: Qazaqstannyń eńbek sińirgen qaıratkerleri Aıgúl Nııazova, Dına Hamzına, Meıir Baınesh, «Qurmet» ordeniniń kavaleri Aızada Kaponova, Erjan Saıpov óz ónerlerimen qýantpaq. Sonymen qatar elordalyq kórermenge tanymal aspapshylar: Qazaqstannyń eńbek sińirgen qaıratkeri Baǵdat Ábilhanov (skrıpka), Raýshan Beskembırova, Dana Ábdiqadyrova (fortepıano) ónerin pash etpek.

12 qazanda saǵat 18.00-de «FORTE-TRIO shaqyrady» toptamasynyń aıasynda «Chaıkovskıı & Arenskıı: qos danyshpan – qos taǵdyr» kontserti ótedi. QR Mádenıet jáne sport mınıstrliginiń «Qazaqkontsert» memlekettik kontserttik uıymy «FORTE-TRIO» Memlekettik trıosynyń quramynda: ujymnyń kórkemdik jetekshisi – Qazaqstannyń eńbek sińirgen qaıratkeri Tımýr Ýrmancheev (fortepıano), Dınara Bazarbaeva-Sahaman (skrıpka), Murat Narbekov (vıolonchel) óner kórsetedi. Osy keshte uly kompozıtor P.Chaıkovskııdiń Trıosy, op.50 jáne shyǵarmashylyǵynyń qalyptasýyna klassıktiń zor yqpaly tıgen onyń kishi zamandasy A.Arenskııdiń Trıosy, or.32 oryndalady.

17 qazan kúni saǵat 19.00-de Jastar jyly aıasynda Nur-Sultan qalasy ákimdiginiń Memlekettik akademııalyq fılarmonııasynyń Kameralyq hory «Jastar – el tiregi!» toptamasynan Next Generation jańa jarqyn baǵdarlamasymen óner kórsetedi. Mýzykalyq keshte Qazaqstan, Shvetsııa, Ulybrıtanııa, AQSh, Lıtva, Slovenııa, Polsha, Túrkııa, Palestına, Úndistan, Kolýmbııa, Venesýela, Brazılııa kompozıtorlarynyń týyndylary oryndalady, sheteldik avtorlar shyǵarmalarynyń bir bóligi Qazaqstanda alǵash ret shyrqalmaq. Joba avtory, kórkemdik jetekshisi ári dırıjeri – halyqaralyq baıqaýlardyń laýreaty, hor olımpıadalarynyń jeńimpazy «Mádenıet qaıratkeri» Gúlmıra Quttybadamova, dırıjerler – Erjan Sansyzbaev, Erbolat Abylaı, Indıra Aıtbergen, Alfııa Kalaýp, Aısulý Amangeldi, Shyryn Ahmedjanova, Madııar Qapanov, Ardaq Mantaı, Ajar Ysqaqova, Áıgerim Sabyrova.

20 qazanda saǵat 12.00-de jas teatrqumar jetkenshekterdiń nazaryna qazaq tilinde «Іshekti aspaptar otbasy» tamasha kontserti usynylady. Baǵdarlamada mýzyka, júrgizýshiniń sózi, jumbaqtar men teatrlyq kórinis biriktirilgen. Oıyn úlgisinde balalar mýzykalyq aspaptardyń qurylǵysymen, olardyń dybystarymen tanysady. Kontsertke «Astana Opera» orkestriniń ártisteri qatysady. Mýzykatanýshy – Tólegen Nazarbekov.

24 qazan saǵat 19.00-de romantızm dáýiriniń eki kórnekti kompozıtory – Frants Shýbert pen Sergeı Rahmanınovtyń shyǵarmashylyǵyna arnalǵan Musica da camera kameralyq mýzyka keshi ótedi. Kontsert baǵdarlamasynda – F.Shýberttiń Skrıpka, vıolonchel jáne fortepıanoǵa arnalǵan trıosy, mı-bemol major, or.100 oryndalady. Avstrııalyq kompozıtordyń mýzykasynda kúshti lırıkalyq bastaý bar, onyń negizinde – adamnyń ishki kúızelisi jatyr. Ol –– vokaldyq ballada jáne romantıkalyq mınıatıýra (ekspromttar men mýzykalyq kezeńder) syndy jańa janrlardyń bastamashysy. S.Rahmanınovtyń Vıolonchel men fortepıanoǵa arnalǵan sonatasy, sol mınor, or.19 shyrqalady. Kompozıtor shyǵarmashylyǵyna tán tereń lırıka, beınelilik, janǵa jaqyndyǵy men keń aýqymdy mol boıaýlar, qaıratty yrǵaq orystyń naǵyz shynaıy mol áýenderimen tamasha úılesken. «Astana Opera» Kameralyq zalynyń sahnasynda osy keshte halyqaralyq baıqaýlardyń laýreattary Ermek Magavın (skrıpka), Ermek Qurmanaev (vıolonchel), Gúljanat Janataeva (fortepıano) óner kórsetedi.

30 qazanda saǵat 19.00-de «Bárimizdi toǵystyrǵan mýzyka» aspaptyq kontserti tyńdarmandardyń súıispenshiligine bólengen «Mýzykalyq qıylys» toptamasyn jalǵastyrylady, keshte daryndy otandyq jáne sheteldik ártister ansambldik oryndaýshylyq óneriniń názik qyryn pash etedi. «Astana Opera» kameralyq orkestri, orkestr solısi ári kontsertmeısteri, Qazaqstannyń eńbek sińirgen qaıratkeri Baǵdat Ábilhanov, orkestr solısi mádenıet qaıratkeri Aısulý Baıkenova (skrıpka), Kýrvanjan Ahatov (vıolonchel) jáne Erlan Serkebaev (fortepıano) belgili qazaqstandyq kompozıtor Artyq Toqsanbaev pen áıgili «argentınalyq tango patshasy» Astor Pıatstsollanyń shyǵarmalaryn oryndaıdy. Mazmundy kontsert baǵdarlamasyna A.Toqsanbaevtyń «Dala naqyshtary» atty fortepıano, skrıpka jáne vıolonchelge arnalǵan trıosy, A.Pıatstsollanyń «Býenos-Aırestegi jyldyń tórt mezgili» jáne «Tango tarıhy» tanymal toptamalary engen.