«Astana Operada» kameralyq zal ashyldy
ASTANA. 1 qazan. QazAqparat - Búgin «Astana Opera» teatrynda kameralyq zal saltanatty túrde ashyldy. Atalǵan shara Halyqaralyq mýzyka kúnine oraı ótti.
Kameralyq zaldyń ashylý saltanatyna QR Parlamenti Májilisiniń áleýmettik-mádenı damý komıtetiniń tóraıymy, depýtat Darıǵa Nazarbaeva qatysty. Ol pıanıst, QR Eńbegi sińgen qaıratker Tımýr Ormansheevtiń súıemeldeýimen án saldy. Al arnaıy gala-kontsertte álemge áıgili skrıpkashy, QR Halyq ártisi Aıman Musaqojaeva óz ónerin pash etti. Sondaı-aq is-sharaǵa «Astana Opera» teatrynyń jeke oryndaýshylary, QR Eńbegi sińgen ártister Talǵat Musabaev (barıton), Jan Tapın (tenor) jáne «Solıstter akademııasy» memlekettik kameralyq orkestri qatysty. Ujymnyń kórkemdik jetekshisi - Aıman Musaqojaeva, bas dırıjeri - QR Eńbegi sińgen qaıratker Baqytjan Musaqojaeva. Baǵdarlamada - Barokko dáýiriniń mýzykasy. Sol zamannyń danyshpandary G.F. Gendel, I.S. Bah, T.A. Vıtalı, A. Vıvaldıdiń shyǵarmalary oryndaldy.
Teatrdyń baspasóz qyzmeti habarlaǵandaı, kameralyq zaldyń saltanatty ashylýynan keıin 9 qazanda ónersúıer qaýym úshin «Astana Operanyń jas daýystary» atty klassıkalyq mýzyka kontsert uıymdastyrylady.
