«Astana Operada» Elbasynyń súıikti ánderi shyrqaldy
«Búgingi merekelik kontsert 3 bólimnen turdy. Birinshi bólimde, klassıkalyq shyǵarmalar oryndaldy, ekinshi bólimde túrli ult ókilderiniń ánderi shyrqaldy. Jáne úshinshi bólimde Elbasynyń súıikti ánderine kezek berdik. Keshtiń basty ereksheligi sol, munda tek operalyq shyǵarmalar ǵana emes, basqa da janrlarda án salyndy. ıAǵnı kórermenderdiń talǵamyna qaraı, eń úzdik degen shyǵarmalardy tańdap aldyq», - dedi «Astana Opera» teatrynyń bas kontsertmeısteri Elena Sahno.
Onyń aıtýynsha, merekelik kontsertke teatr ártisteri bir aı boıy daıyndalǵan.
«Búgingi merekeniń men úshin orny bólek. Sebebi, Elbasymyz tek saıasatpen ǵana aınalysyp qoımaı, ónerge de erekshe nazar aýdarady. Al kontsertke kelsek, jeke ózim 2 án oryndadym. Ekeýi de týǵan jerge arnalǵan. Bireýi «Týǵan jer», al ekinshisi «Týǵan elge» dep atalady. Odan bólek, áriptesterimmen birge, orys jáne tatar ánderin aıttyq», - deıdi Qazaqstanǵa eńbegi sińgen qaıratker, opera ártisi Dına Hamzına.
