Astana Operada daryndy balalar kontsert qoıady
ASTANA. QazAqparat - Jazǵy demalystyń alǵashqy kúnderinde «Astana Opera» Kameralyq zalynda Balalar kúnine arnalǵan «Ónerpaz qyrandar» atty kontsert ótedi, dep habarlaıdy teatrdyń baspasóz qyzmeti.
1 maýsymda elordalyq teatrdyń balalar stýdııasynyń daryndy ártisteri óz shyǵarmashylyǵyn usynady. Kontsertke «OkeanArt» art-terapııa shyǵarmashylyq ortalyǵy teatrlyq mektebiniń tárbıelenýshileri (jetekshisi - Tatıana Janıarova) qatysady. Іshekti aspaptar ansamblin súıemeldeý úshin jas mýzykant-aspapshylar óner kórsetedi.
Klassıkalyq opera jáne baletterden úzindiler oryndalatyn bolady. Olardyń ishinde - «Uıqydaǵy arý» baletinen varııatsııalar, P. Chaıkovskııdiń «Evgenıı Onegın» operasynan polonez, Sh. Gýnonyń «Valpýrgıev túni», L.Mınkýstyń «Don Kıhot», L. Delıbtiń «Koppelııa», Ts. Pýnıdiń «Esmeralda», «Armıda pavılony», «Qanatty at» jáne t.b. baletterden sahnalyq kórinister.
Sonymen qatar kórermenderdi Ý.Dısneıdiń áıgili «Sulý men Qubyjyq» mýltfılminiń jelisimen qoıylǵan mıýzıklinen sahnalyq kórinis qýantatyn bolady, qoıýshy rejısseri- Ilıas Danıarov. Hor stýdııasynyń uldary E. Brýsılovskııdiń «Qyz Jibek» operasynan marsh oryndaıdy, dırıjeri - A. Muhıtdınov.
Sharanyń rejısseri - Natalıa Kagadıı, «Astana Opera» balalar stýdııasynyń jetekshisi, hormeıster - Altynǵanym Ahmetova, balet stýdııasynyń tálimgerleri- Nazıra Zaetova, Dına Salaýatova, kontsertmeısterler - Irına Kýrgýzkına, Elmıra Sultanǵazına.
