«Astana Operada» balalarǵa arnalǵan qaıyrymdylyq kontserti ótedi
29 naýryzda saǵat 12:00 balalar úıleriniń tárbıelenýshileri men áleýmettik jaǵdaıy tómen otbasy balalaryna arnalǵan qaıyrymdylyq kontserti ótedi. Jas tyńdarmandarǵa S. Prokofevtiń «Petıa men qasqyr» sımfonııalyq ertegisi qoıylady, sondaı-aq olarǵa arnap elordalyq teatrǵa saıahat uıymdastyrylyp, dastarqan jaıylady.
C. Prokofevtiń «Petıa men qasqyr» sımfonııalyq ertegisi - mýzyka álemine eliktirip áketetin tanymdyq saıahat. Qyzyqty sıýjette basty keıipker pıoner Petıanyń basynan keshken oqıǵalary jaıynda, onyń akterlyq sheberligimen emes, mýzykalyq aspaptardyń akkordy men dybystary arqyly baıandalady. Erteginiń ár keıipkeriniń ózindik mýzykalyq taqyryby bar. Mátindi oqıtyndar kishkentaı tyńdarmandarǵa qaı aspaptyń qandaı keıipkerdi keltirip turǵanyn túsinýge kómektesedi. Sımfonııalyq erteginiń jelisi bir qaraǵanda qarapaıym, alaıda onyń kózdegen ónegeli ósıeti tereń.
Dırıjer Rýslan Baımurzın sıqyrly taıaqshasymen «Astana Operanyń» Kameralyq orkestrine jan bitiredi. Mátindi oqıtyndar - Máýletova Sáýle jáne Tólegen Nazarbekov.