«Astana Operada» alǵash ret ataqty «Baqshasaraı burqaǵy» sahnalandy
ASTANA. QazAqparat - Búgin «Astana Operada» alǵash ret ataqty «Baqshasaraı burqaǵy» sahnaǵa shyqty, dep jazady 24.kz.
Jurt asyǵa kútken týyndyda zulymdyq pen mahabbat lırıkasy sýretteledi.
Qosaktilik balet jelisinde Kereı hannyń Polshada jasaǵan soıqany men knıaz qyzy Marııaǵa degen jaýapsyz mahabbatyn teatr ártisteri asqan sheberlikpen jetkize bildi.
Balet Aleksandr Pýshkınniń ańyz-poemasy negizinde qurylǵan. «Astana-Operanyń» kórkemdik ujymy Borıs Asafevtiń 80 jyl buryn sahnalaǵan qoıylymyna 8 aı daıyndalypty.
Májbúrli túrde hannyń kúńi bolǵan polıak qyzynyń rólinde Áıgerim Beketaeva oınasa, qolbasshy Kereıdiń keıpin Tursynbek Nurqalıev somdaıdy. Balet súıer qaýym Shyǵys pen Batystyń bıi astasqan tragedııalyq drammany «Astana Operada» erteń saǵat 19:00-de tamashalaı alady.
