«Astana Opera» «Jibek joly» halyqaralyq festıvali aıasynda eń úzdik týyndylardy kórermen nazaryna usynbaq
ASTANA. QazAqparat - «Astana Opera» teatrynyń úshinshi maýsymy II «Jibek Joly» halyqaralyq mýzyka festıvalimen ashylady. Atalǵan klassıkalyq óner merekesine Amerıka, Germanııa, Polsha, Japonııa, Koreıa, Reseı jáne Qazaqstan ártisteri qatysady, dep habarlady teatrdyń baspasóz qyzmetinen.
Festıval, 25 jáne 26 qyrkúıekte tusaýy kesiletin, A. Jubanov pen L. Hamıdıdiń «Abaı» operasynan bastaý alady. Qazaqtyń asa kórnekti aqyny, aǵartýshysy jáne fılosofy Abaı Qunanbaıulynyń (1845-1904) tulǵasy - qoıylymdaǵy ıdeıanyń ózegi. Tusaýkeserdi qyrkúıek aıynda tamashalaı almaǵandar, operany 8 qazanda tyńdaı alady. Qyrkúıek aıynyń sońǵy juldyzynda kórermenge asa kórnekti horeograf B. Eıfmannyń «Roden» baleti usynylady. Álemdegi mýzykalyq teatrlardyń jarqyraǵan jaýharlarynyń biri - «Aıda» operalyq spektakli «Astana Opera» sahnasynda 4 qazanda shyrqalady. Al, 5 qazanda tamasha skrıpkashy, bedeldi halyqaralyq konkýrstardyń jeńimpazy Erjan Kúlibaev qatysatyn kontsert ótedi. Baǵdarlamada - fındyq kompozıtor ıAn Sıbelıýstiń mýzykasy. Elorda turǵyndary men qonaqtary súıip tyńdaıtyn Dj. Pýchchınıdiń «Bogema» operasy 13 jáne 14 qazanda «Astana Opera» teatrynyń jarqyraǵan jas solıstteri usynady. Elimizdiń mádenıeti men ónerin dúnıe júzindegi bıik alańdarda pash etip júrgen asa kórnekti qazaqstandyq pıanınoshy - Jánııa Áýbákirova 16 qazanda «Astana Opera» sımfonııalyq orkestrimen birge S. Rahmanınovtiń № 3 kontsertin oryndaıdy. 18 qazanda «Astana Opera» Úlken zalynda tanymal tenor Mıhaıl Vekýanyń (Marıınskıı teatry, Reseı), sondaı-aq elordalyq teatr jetekshi solıstteriniń, horynyń jáne orkestriniń qatysýymen Dj. Verdıdiń «Rekvıemi» oryndalady.
B. Asafevtiń «Baqshasaraı burqaǵy» baletin «Astana Opera» ártisteri kórermen nazaryna 20 qazanda usynady. Al Dj. Verdıdiń «Travıata» operasy - ıtalıandyq rejısserdiń úzdik jáne eń suranysy joǵary týyndysy 22 qazanda qoıylady. Balet sarapshylary men synshylarynyń joǵary baǵasyn ıelengen, Vakıl Osmanovtyń (Avstrııa) qoıylymyndaǵy «Qaragóz» ulttyq baleti «Astana Opera» sahnasynda 24 qazanda ótedi. 30 qazanda tyńdarman qazaq operasynyń marjany Muqan Tólebaevtiń «Birjan-Sara» operasyn tamashalaı alady. 7 qarashada tyńdarmandy álem teatrlarynyń repertýarynan túspeıtin spektaklderdiń biri - Dj. Pýchchınıdiń «Toska» operasy kútedi. Festıval 8 qarashada opera jáne balet sahnasyndaǵy qazaqstandyq juldyzdardyń qatysýymen ótetin Gala kontsertpen aıaqtalady.
