«Astana Opera» jańa teatry «Birjan men Sara» qoıylymymen ashylady
ASTANA. 6 maýsym. QazAqparat - Maýsym aıynyń aıaǵynda Astanada 1250 orynǵa eseptelip salynǵan «Astana Opera» atty jańa Memlekettik opera jáne balet teatrynyń kermesi qıylmaq.
Jańa teatr sahnasynyń shymyldyǵy qazaq opera óneriniń jaýhary kompozıtor Muqan Tólebaevtyń «Birjan men Sara» operasymen túrilmek. Bul týraly elordanyń 15 jyldyǵyn ótkizý men daıarlaý medıa-shtabynan habarlady.
Aǵymdaǵy jyly elimiz KSRO halyq ártisi, kompozıtor, pedagog jáne qoǵam qaıratkeri Muqan Tólebaevtyń 100 jyldyq mereıtoıyn atap ótedi. Ol qazaq mýzyka óneriniń biregeı sheberi. M. Tólebaevtyń qazaq opera mýzykasyna engizgen qundy eńbegi - «Birjan men Sara» operasy. Osy shyǵarmalar negizinde halyq ánshisi Birjan saldyń aqyn qyz Saraǵa degen ǵashyqtyq sezimi ǵasyrdan ǵasyrǵa ulasty. Operanyń jańa qoıylymyn rejısser ıÝrıı Aleksandrov júzege asyrsa, basty rólderdi Nurjamal Úsenbaeva men Ahmet Aǵadı oryndaıdy.
