«Astana Opera» jańa maýsymǵa daıyndalýda
ASTANA. 16 tamyz. QazAqparat - «Astana Opera» memlekettik opera jáne balet teatry elorda turǵyndary men qonaqtaryna klassıkalyq bıdiń jańa teatrlyq maýsymyn usynady. Bul týraly astana.kz saıtyna MOBT baspasóz qyzmetinen habarlady.
Teatrdyń jańa maýsymynda klassıkalyq bıdiń tabynýshylary «Astana Opera» teatrynyń myń buralǵan balet juldyzdarynyń asqan sheberlikterine kýá bolady. Atap aıtqanda, QR Eńbek sińirgen qaıratkeri, Premio Roma Italy 2 syılyǵynyń Laýreaty Mádına Basbaeva; QR Eńbek sińirgen qaıratkeri Gaýhar Ýsına; Bolgarııada balet ártisteriniń 25 halyqaralyq baıqaýynyń laýreaty Áıgerim Beketaeva; QR Eńbek sińirgen qaıratkeri Rústem Seıtbekov; Novosibirde ótken balet ártisteriniń halyqaralyq baıqaýynyń dıpolmanty, ıÝrıı Grıgorovıchtiń «Molodoı balet mıra» VI halyqaralyq baıqaýynyń dıplomanty Taıyr Gataýov; Frantsııa, Reseı, Bolgarııa jáne Vengrııa halyqaralyq baıqaýlarynyń laýreaty Serjan Kaýkov.
«Osyndaı daryndy ártisterdiń qatysýymen joǵary kásibı deńgeıdegi spektaklderdi qoıý kerek. Teatr ıÝrıı Grıgorovıch qoıylymyndaǵy «Uıqydaǵy arý» baletiniń premerasyn ótkizip, birden osyndaı deńgeıdegi balet spektaklderin qoıý múmkindigine ıe álemniń A serıaly teatrlarynyń úzdik bestigine kirdi», - dep atap ótti«Astana Opera» teatrynyń bas baletmeısteri Tursynbek Nurqalıev.
Kórermender kelesi balet spektaklderin tamashalaı alady: neoklassıka stılinde jumys jasaıtyn, qazirgi zamannyń áıgili baletmeısteri - Borıs Eıfman qoıylymyndaǵy «Roden»; Frantsııanyń Qurmetti Legıon Ordeniniń ıegeri - Sharl Jıýd qoıylymyndaǵy «Romeo men Djýletta». Stsenografııa jáne kostıýmder ázirleýmen qazirgi zamanǵy áıgili ıtalıandyq stsenograf Etsıo Frıdjerıo, kostıýmder boıynsha sýretshi, «Oskar» syılyǵynyń ıegeri Franko Skýarchapıno syndy álemdik tulǵalar aınalysyp, olardy joǵary deńgeıde jasamaq.
