«Astana Opera» ujymyna 100 páter, 100 jataqhana beriledi - Elbasy
ASTANA. 21 maýsym. QazAqparat - «Astana Opera» ujymyna 100 páter, 100 jataqhana beriledi. Búgin elordada «Astana Opera» memlekettik opera jáne balet teatrynyń ashylý saltanatynda Elbasy Nursultan Nazarbaev osylaı málim etti.
Teatr sahnasynan talaı-talaı jas ártister qanat qaǵyp, tek Qazaqstanǵa ǵana emes, bolashaqta dúıim dúnıege áıgili óner maıtalmandary daıyndalatyndyǵyna senim bildirgen Memleket basshysy: «Soǵan baılanysty teatrdyń ujymyna 100 páter, jastarǵa 100 jataqhana bólingenin aıryqsha aıtqym keledi», - dedi.
Sonymen qatar Elbasy osy teatr sahnasynan otandyq opera jáne balet juldyzdarynyń ónerlerin tamashalaýǵa múmkindik týatyndyǵyn basa aıtty.
«Ol Eýrazııa júreginde batys pen shyǵysty jalǵaǵan Astananyń abyroıyn asqaqtata túseri bárimizge aıqyn», - dedi N.Nazarbaev.
