«Astana Opera» «Uıqydaǵy arý» baletiniń premerasyna daıyndalýda
ASTANA. 29 maýsym. QazAqparat - Astana kúni qarsańynda, 3 shildede "Astana-Opera" Memlekettik opera jáne balet teatrynyń sahnasynda P.I.Chaıkovskııdiń «Uıqydaǵy arý» baletiniń premerasy ótedi.
Balet premerasy zamanymyzdyń kórnekti baletmeısteri ıÝrıı Grıgorovıchtiń jańa horeografııalyq óńdeýimen usynylady. Reseı horeografııasynyń has sheberi "Uıqydaǵy arýdy" burynǵy baletmeısterlerde jıi kezdesetin tek balalar ertegisi nemese oıyn-saýyq feerııasy retinde qoımaıdy, Chaıkovskııdiń mýzykasyna sáıkes óz kezeginde jandy rýhtandyratyn poema sııaqty usynady.
Premeraǵa deıin sanaýly kúnder qaldy. Qazir teatr sahnasy bezendirilip, tanymal baletti qoıýǵa qyzý daıyndyq jumystaryna kirisken. 17 ǵasyrda Frantsııa koroliniń bıligi kezindegi kórinister kóreremendi beıjaı qaldyrmaıtyndaı asqan tolǵanysty sátterge toly. Áserli kórinister mol. Muny dál osy kezde «Astana Operaǵa» bas suqqan árbir kórermen tap basyp tanyr edi.
Teatrda sońǵy daıyndyqtar júrýde. Italııadan Astanaǵa ákelingen salmaǵy 4 tonnalyq «altyn jalatqan» dekoratsııalar ornatý aıaqtaldy. Al tek koroldik qorǵandardan turatyn salmaǵy 500 keli qaqpalar nege turady?!
Spektakl úshin 25-30 % dekoratsııa Qazaqstanda jasaldy. Qalǵany Italııada ázirlendi. Taǵy bir aıta keterligi, oǵan árleý men ajarlaýshy jáne boıaý jónindigi ár túrli tsehtardan kóptegen adamdar qatysty. Plastık, armatýra, suıyq áınek sııaqty birneshe materıaldar paıdalanyldy.
Sýretshi-stsenograf Etsıo Fredjırıonyń 350 spektakl qoıýǵa birge atsalysqan óz komandasy bar. Qazaqstanda ǵana mundaǵy mamandarmen qoıan-qoltyq jumys isteýge týra keldi. Іstiń kúrdeli bastalǵanyna qaramastan, nátıjesi jaqsy shyqty. Bul spektakl besinshi ret qoıylmaq, dep jazady astana.kz.
